Fireworks aff the Castle
Goin WHEECH, WHEECH, WHEECH
Bairns in the library
Gettin WHEESHT, WHEESHT, WHEESHT
Cans o Irn Bru
Goin SKOOSHITAY, SKOOSHITAY, SKOOSH
Fitbaw in the playgroond
Gettin DOOSHITAY, DOOSHITAY, DOOSH
The snaw blaws in fae Norroway
And nips your TAES, TAES, TAES
We go skitin on wir sledges
Doon the BRAES, BRAES, BRAES
The rain comes doon in buckets
And it’s WEET, WEET, WEET
Your teeth is sair fae sweeties
And it’s GREET, GREET, GREET
You’re oot wi pals and aw the time
It’s BLETHER, BLETHER, BLETHER
But when awthin’s wrang and no goin right
Jist go and tell your MITHER
When awthin’s wrang and no goin right
Jist you coorie in wi MITHER
Matthew Fitt (born 1968) Scotland
from Goldfish Suppers: an anthology of contemporary poems for children and families
No comments:
Post a Comment
Please keep your comments relevant and free from abusive language. Thank you. Note that comments are moderated so it may be a day or two before your comment is posted - irrelevant or abusive comments will not be published.