Saturday, 8 November 2014

Fireworks aff the Castle - Matthew Fitt

Fireworks aff the Castle
Goin WHEECH, WHEECH, WHEECH
Bairns in the library
Gettin WHEESHT, WHEESHT, WHEESHT

Cans o Irn Bru
Goin SKOOSHITAY, SKOOSHITAY, SKOOSH
Fitbaw in the playgroond
Gettin DOOSHITAY, DOOSHITAY, DOOSH

The snaw blaws in fae Norroway
And nips your TAES, TAES, TAES
We go skitin on wir sledges
Doon the BRAES, BRAES, BRAES

The rain comes doon in buckets
And it’s WEET, WEET, WEET
Your teeth is sair fae sweeties
And it’s GREET, GREET, GREET

You’re oot wi pals and aw the time
It’s BLETHER, BLETHER, BLETHER
But when awthin’s wrang and no goin right
Jist go and tell your MITHER
When awthin’s wrang and no goin right
Jist you coorie in wi MITHER

Matthew Fitt (born 1968) Scotland
from Goldfish Suppers: an anthology of contemporary poems for children and families

No comments:

Post a Comment

Please keep your comments relevant and free from abusive language. Thank you.